Aviso: Esta noticia tiene más de un año. Última actualización: 11/09/2007 11:23
Dos de los tres restos de sangre recoyíos pola Policía Xudicial (PX) portuguesa nel apartamentu de los McCann en Praia da Luz y nel coche alquiláu 25 díes dempués de la desapaición de Madeleine correspuéndense col ADN de la pequeña, según reconoció una fonte de la policía portuguesa a la cadena británica Sky News.
El canal británicu diz que, según la mesma fonte, el resultáu de la muestra de sangre recoyida poles autoridaes nel vehículu alquiláu polos McCann y qu'analizó'l llaboratoriu de Birminghan reveló una correspondencia exacta col ADN de Madeleine.
Estos resultaos consten nel informe de la investigación que la PX va entregar mañana al fiscal del Tribunal de Portimao. Nél también tán les trescripciones de los interrogatorios realizaos a los padres, sospechosos formales de la investigación.
Dempués, el ministeriu públicu va tener de decidir si se retomen les busques, si vuelve a interrogar al matrimoniu McCann o, igual, pue considerar que nun existen pruebes suficientes pa sustentar nun procesu xudicial la tesis de la muerte de la pequeña.
Si'l fiscal decide que quier volver a oyir a los McCann, éstos diben tender de tornar a Portugal. Nun se sabe cuándo van volver, anque dase por fecho que van facelo.
Esta selmana, la PX espera recibir del llaboratoriu británicu'l restu de los resultaos de los análisis de los restos biolóxicos (sangre, saliva, cabellos) atopaos nel apartamentu de los McCann en Praia da Luz, del qu'hai 130 díes desapaeció Madeleine, asina como del vehículu que la familia alquiló 25 díes demués de que la pequeña desapaeciera.