MADRID, 1 d'Avientu (EUROPA PRESS)
La Guardia Civil desmanteló una organización criminal especializada na corrupción d'eventos deportivos de tenis de les categoríes 'Futures' y 'Challenger' y detuvo a 34 persones, seis d'ellos tenistes. La organización podría ganar con estos amaños más de mediu millón d'euros.
La operación, bautizada 'Futures', desarrollóse nes provincies de Madrid, Sevilla, A Coruña, Pontevedra, Córdoba, Almería, Huelva, Cádiz, Barcelona, Cáceres, Badayoz y Ciudá Real, onde se practicaron les detenciones. Ente los deteníos alcuéntrense los dos cabezaleros de la organización asitiaos en Sevilla y A Coruña, según informó l'Institutu Armáu.
Los axentes de la Benemérita entmaaron la investigación en recibiéndose una información de la TIU (Tenis Integrity Unit), organismu internacional encargáu de velar pola integridá nel mundu del tenis, sobre un intentu de corrupción nun eventu deportivu.
La investigación dexó acreditar la participación d'esta organización en 17 eventos celebraos en Sevilla, Huelva, Tarragona, Madrid y Porto, y tase pendiente de recibir información per parte d'unu de los principales medios d'apuestes sobre si fueron malvaos otros eventos sobre los que se tienen sospeches.
Los amaños prodúcense en dos categoríes: 'Futures', que son torneos profesionales nos que gran parte de los xugadores que participen son nuevos con pocos años nel circuitu; y 'Challenger', una categoría inferior a la considerada primer división que val pa que los xugadores emerxentes sumen puntos pa intentar llegar a torneos más importantes.
PARTÍOS NACIONALES YA INTERNACIONALES
El 'modus operandi' d'esta organización consistía en corromper a tenistes que disputaben partíos nacionales ya internacionales sobre los que podíen efectuase apuestes deportives 'on line'. Asina, llograben un enriquecimientu coles mesmes frayando por dafechu'l conceptu d'azar, puesto que'l desarrollu de determinaos aspectos del xuegu taba de primeres pactáu y les apuestes taben dirixíes en base a dichu pactu.
Pa ello, la organización contaba con un tenista entemediariu, que tenía una relación de confianza colos tenistes a corromper, puesto que compitiera con ellos y compartíu entrenamientos. Pocos díes antes de los torneos a disputar, esta persona forzaba'l so alcuentru colos tenistes y ofrecía-yos cuantíes concretes por amañar determinaos aspectos del xuegu, que davezu consistíen na perda de determinaos xuegos sol so serviciu.
Nos casos nos que'l tenista entemdiariu nun llograba corromper a los xugadores, llegaba a ofrece-yos el doble o'l triple de la comisión y nel casu de que nun accedieren, intentaben corromper a dalguno de los dos cabezaleros del grupu.
