El 78% de los directivos españoles prevé estabilidá nes sos plantiyes nel segundu trimestre

EP

BARCELONA, 9 de Marzu (EUROPA PRESS)

El 78% de los directivos españoles nun preve cambios nes sos plantiyes a partir del segundu trimestre del añu, según un estudiu de Manpower, que reflexa que namás un 5% prevé aumentar el númberu de trabayadores, mientres que un 14% apunta a reducciones de personal.

El balance de proyección d'emplegu netu n'España nel periodu abril-xunu va siguir en cifres negatives del -11%, la mesma rexistrada nel primer trimestre y en llinia cola situación rexistrada nel mesmu periodu del 2009.

L'estudiu tamién apunta a que la proyección d'emplegu ye positiva namás nel sector hoteleru, onde los directivos prevén una meyora del 3% nel segundu trimestre. Estos datos apunten a que les llixeres meyores puntuales nel emplegu van tar añadíes a la estacionalidá de determinaos sectores.

Según el director xeneral de Manpower n'España, Raúl Grijalba, la recuperación y creación d'emplegu n'España nun va llegar hasta l'añu qu'entra, puesto que'l 2010 va ser tovía un añu complicáu.

La visión de los directivos españoles sobre'l mercáu de trabayu nesti periodu, con una evolución del -11%, ye semeyante a la de países europeos como Italia y más alta que n'Irlanda (-15%), pero ta ente les más pesimistes a nivel mundial.

Les seis zones xeográfiques nes que l'estudiu divide España rexistren visiones pesimistes sobro l'emplegu, siendo la zona Este --Comunidá Valenciana y Murcia-- les que tienen mires más negatives (-14%).

Síguenla en pesimismu los empresarios de la zona Nordeste --Cataluña y Baleares-- y la zona Sur --Andalucía, Canaries y Estremadura--, que prevén una evolución del emplegu netu del -13%.

Na zona Noroeste (Asturies, Castiella y Lleón y Galicia) les mires son del -7%, mientres que na zona Centro (Madrid y Castiella La Mancha) y na Norte (Aragón, Cantabria, País Vascu, La Rioxa y Navarra) asitien la evolución nel -6%.