Abbas promete elecciones cuando se reconcilien los grupos palestinos

EP

XERUSALÉN, 8 de Xineru (Reuters/EP)

El presidente palestín, Mahmud Abbas, con mandatu de cuatro años acaba mañana, según el Movimientu de Resistencia Islámica (Hamas), afirmó gúei que si bien la Constitución palestina estipula que se han celebrar elecciones presidenciales y llexislatives, éstes deberíen facese una vez que se llogre la reconciliación ente'l so grupu, Al Fata, y Hamas, que gobierna na Franxa de Gaza, onde l'actual ofensiva israelí probablemente va tener importantes consecuencies nel escenariu políticu palestín.

"Pidimos la democracia, defendemos la democracia y, poro, en cuanto haya una reconciliación palestina va haber eleccciones llexislatives y presidenciales, xuntes, al mesmu tiempu", aseguró'l dirixente tres aconceyase en La Moncloa col presidente del Gobiernu español, José Luis Rodríguez Zapatero.

Abbas defende que'l so mandatu nun acaba hasta'l 2010. Hai un mes y mediu, Yasir Abed Rabbo, asesor del presidente palestín, anunció que les elecciones diben convocase a primeros d'esti mes y diben celebrase n'abril.

Ante la entruga de si se presentará como candidatu cuando se celebren unes elecciones, Abbas, evasivu, declaró güei en Madrid: "nós nun imponemos la nuesa opinón a naide".

Abbas salió elixíu presidente de l'Autoridá Nacional Palestina en xineru del 2006 per un periodu de cuatro años, ye dicir, hasta primeros del 2009, mientres que'l Parlamentu foi elixíu en xineru del 2006, y la so llexislatura acaba, poro, al acabar 2009.

La Constitución palestina establez que'l mandatu del presidente ye de cuatro años, pero la llei electoral diz que les elecciones llexislatives y presidenciales deben celebrase a la vez, y ye esti últimu datu'l que señala Abbas pa xustificar la so postura.

Sin embargu, el primer ministru del Gobiernu de Hamas en Gaza, Ismail Haniyeh, alvirtió de que nun va reconocer la llexitimidá d'Abbas como presidente palestín dempués del 9 de xineru. Según Haniyeh, a Abbas tien de sustituyilu nel cargu pol presidente del Parlamentu, Abdel Aziz Dweik, que ta nuna cárcel israelí.