Retírase l'acusación particular al tar l'afrelláu en busca y captura per atentáu a l'autoridá
MADRID, 22 Abr. (EUROPA PRESS) -
L'Audiencia Provincial de Madrid va absolver al axente de la policía nacional qu'en xunetu de 2007 ablayó a tiros a un méndigu nel aeropuertu Adolfo Suárez Madrid- Baraxes tres un enfrentamientu por cuenta de una maleta sospechosa de ser un artefactu esplosivu.
El xuiciu contra l'axente apenes duró unos minutos dempués de que l'abogada de l'acusación particular anunciara qu'el so veceru estremóse del procedimientu al tar en busca y captura. La víctima yera al empar acusáu, cuidao que se-y imputaba un delitu d'atentáu a l'autoridá.
En reconociendo l'axente los fechos, la fiscal solicitó la so llibre absolución al envalorar que nos fechos allegó una eximente completa por lexítimu defensa, una y bones la víctima remanó una falsa pistola. Darréu, el tribunal dio por vistu pa sentencia la vista oral.
Los fechos producieron sobre les 19.30 hores cuando dos axentes de la comisaría de Hortaleza fueron comisionados p'allegar a la Terminal 1 de Baraxes en detectándose una maleta sospechosa. Los axentes nun sabíen entós qu'esi bultu pertenecía a un méndigu habitual de Baraxes.
Tres una inspección, los axentes toparon un carru con maletes. D'esta miente, averóse a la víctima pa preguntar sobre esos bultos, identificándose como policíes.
Al pidi-y la identificación, sacó un cuchiellu ya intentó cortar a unu de los axentes. Ante esta situación, éstos sacaron la so arma y apuntáronlu. En reparando que cada vez se diba poniendo mas agresivu, unu de los axentes efectuó un disparu nel suelu.
Tres ello, la víctima sacó d'un bolsu una pistola negra y encañonó al axente y a delles persones que nesi momentu atopábense nel aeropuertu. Ante'l riesgu inminente, l'acusáu efectuó cuatro disparo.
