MADRID, 6 d'Ochobre (EUROPA PRESS)
La Guardia Civil activó esta tarde l'alerta bacteriolóxica na ciudá financiera del Banco Santander, en Boadilla del Monte, al recibir un directivu una carta con polvos blancos, confirmó a Europa Press una vocera de la Comandancia de Madrid.
La Guardia Civil recibió la llamada sobre les 16 hores d'esti martes y envió hasta'l llugar, siguiendo'l protocolu establecíu, a la unidá de Defensa ante amenaces NRBQ (Nuclear, Radiolóxica, Biolóxica y Química).
Pel momentu, los axentes caltienen aisllaos al directivu y a les otres nueve persones que tuvieron en contactu o cerca de la misiva. Agora, intenten determinar l'emisor del corréu y si esa sustancia blanca presenta dalgún tipu de riesgu químicu o biolóxicu o se trata d'una falsa alarma.
Siguiendo'l protocolu establecíu pa esti tipu de casos, los axentes especializaos llendaron un espaciosa zona alredor del despachu nel que llegó'l sobre. El restu del edificiu nun se desagospió.
