Adolfo Camilo Díaz participa nos talleres de llectura de la Comarca de la Sidra

Portada del llibru.
COMARCA DE LA SIDRA.
Publicado 13/03/2018 18:02:35CET

UVIÉU, 13 Mar. (EUROPA PRESS) -

Los talleres de llectura n'asturianu de la Comarca de la Sidra acueyen esti xueves, 15 de marzu, a les 19.00 hores na sala Marta Portal de la Casa la Cultura de Nava, al escritor Adolfo Camilo Díaz, nun alcuentru nel que van falar de la so novela 'Advenimientu'.

Adolfo Camilo Díaz (Ayer, 1963) ye historiador y xerente del Área de Centros Culturales del Conceyu de Corvera, y tien algamaos dellos de los principales premios lliterarios d'Asturies, tanto como narrador como dramaturgu o ensayista.

'Advenimientu', que ganó'l premiu Xosefa Xovellanos de novela na so edición del 2008, ye, en palabres del autor "una historia de muerte acullá del amor, un brutal descensu a los infiernos" protagonizáu por un psicoantropólogu qu'investiga l'aparición de dos misterioses semiesferes nuna casa vieya qu'habiten un home y una muyer.