UVIÉU, 4 de Setiembre (EUROPA PRESS)
L'adxunta a la presidencia d'Asociaciones Federaes d'Autónomos d'Asturies (AFAS), Rosa Suárez, salió esti vienres satisfecha de la xunta que caltuvo col diputáu del PSOE Jesús Gutiérrez na Xunta Xeneral del Principáu d'Asturies. Según esplicó Suárez a Europa Press, los socialistes mostraron el so apoyu a les sos principales reivindicaciones, ente elles la entrada de la entidá nes negociaciones de la concertación social, (nes que participen la FADE y los sindicatos).
D'esta manera, AFAS suma más apoyos, tres detectalos nes xuntes que caltuvo nel parlamentu asturianu con PP, Podemos, IU y Ciudadanos. El próximu miércoles va reunise con Foru.
Suárez treslladó les sos principales reivindicaciones, la de participar nel nuevu acuerdu de concertación social y la de que se constituya'l conseyu del trabayador autónomu n'Asturies. Esplicó que dende'l PSOE vinculáronse los dos oxetivos y díxo-yos que l'acuerdu de concertación deberá tener en cuenta al futuru conseyu qu'espera que tea constituyíu en dos o tres meses.
El socialista tamién treslladó la intención d'apoyar al colectivu d'autónomos, dientro de les posibilidaes. Ello ye que señaló la importancia de qu'Asturies puea aprobar unes cuentes rexonales pal 2016, según esplicó Suárez. "Foi una xunta bien positiva", dixo.
