MADRID, 24 de Mayu (EUROPA PRESS)
La presidenta de la Comunidá de Madrid, Esperanza Aguirre, nun va asistir a la final de la Copa'l Rei que disputen los equipos FC Barcelona y Athletic de Bilbao esti vienres nel estadiu Vicente Calderón, según confirmó'l so 'númberu dos', Ignacio González.
En rueda prensa posterior al Conseyu de Gobiernu, el vicepresidente y voceru señaló que nun sabe "quién va dir". "La presidenta nun va, va dir quien quiera dir y péte-y esfrutar de la final", aseguró.
Esta selmana, la presidenta foi protagonista poles sos declaraciones sobre les posibles xiblaes que pudieren dase nel estadiu cuando suene l'himnu nacional. Al so xuiciu, si esto se produxera nun tendría que celebrase l'alcuentru con públicu, sinón a puerta pesllada.
La dirixente madrilana recibió crítiques poles sos palabres al entender que se taba utilizando una cuestión deportiva pa facer política. Aguirre insistió en qu'una xiblada al himnu nacional en "países serios" como Estaos Uníos o Reinu Uníu nun se permitiría, y recordó que ye un delitu atacar los símbolos nacionales.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)