MÉXICU DF, 30 d'Ochobre (EUROPA PRESS)
Personal de la Procuradoría Xeneral de Xusticia del estáu de Guerrero (Méxicu) alcontró esti miércoles trece cuerpos nuna fosa común nel conceyu de Zitlala, a unos 100 kilómetros de Chipalcingo, según informen los medios llocales.
El descubrimientu tuvo llugar nun cuetu de la comunidá indíxena nahua d'Ocotitlán, nel conceyu de Zitlala, según fontes del gobiernu estatal citaes por 'La Jornada'. Los restos, que taben envueltos en sacos, desenterráronlos peritos y treslladáronse al Serviciu Médicu Forense de Chilpancingo, la capital estatal.
Según fontes de l'alministración estatal, pol estáu en que s' alcontraben los restos presúmese que les víctimes llevaríen unes seis meses muertes, lo que refugaría que pudiera tratase de los 43 estudiantes 'normalistes' desapaecíos dende'l pasáu 26 de setiembre n'Iguala.
Per otra parte, el diariu 'Milenio' informó de que'l personal de la Fiscalía Xeneral tamién alcontró otru cuerpu en Zumpango, conceyu ubicáu a 15 minutos de Chilpancingo.
