UVIÉU, 15 Jun. (EUROPA PRESS) -
Les direcciones d'IU y IX llegaron a un alcuerdu n'Uviéu, depués de celebrase la xunta de la Comisión de Conflictos pola crisis abierta pola consulta impulsada dende Madrid sobre una confluencia con Podemos. IX planteara la so propia consulta mentes que la dirección federal encamentó-yos a respetar el referéndum que se fai a nivel nacional.
Depués de más de dos hores de xunta, dambes partes llevaron a un entendimientu, según confirmaron en rueda de prensa'l responsable d'Organización d'IU, Ismael González, y el secretariu d'Organización de IX, Alejandro Suárez. Va respetase la consulta estatal, pero IX va poder facer depués una consulta posterior.
Asina, el referéndum que se ta realizando a nivel estatal va trescurrir con normalidá tamién n'Asturies. Sicasí, nel alcuerdu alcanzáu IX acútase'l derechu de concretar depués o non les posibles aliances electorales, al traviés de consultes a la so militancia o decisión de los sos órganos.
Ismael González quixo principiar la so intervención faciendo autocrítica por "perder el tiempu" en cuestiones internes, cuando lo verdaderamente importante son otros problemes qu'afecten directamente a la ciudadanía. Dixo que la xunta sirvió p'ameyorar la coordinación ente les dos direcciones.
Suárez tamién destacó la "bona voluntá" mostrada por dambes organizaciones. Recordó qu'IX yá decidió nel so día caltener la so identidá. L'asturianu dexó claro que nun se va a entorpecer la consulta estatal.
