Alemaña desmárcase de la recesión europea y crez un 0,5%

Reuters

WIESBADEN (ALEMANIA), 24 de Mayu (EUROPA PRESS)

El productu interior brutu (PIB) d'Alemaña nel primer trimestre del 2012 creció un 0,5% al respecto de los trés meses anteriores, cuando rexistrara una contracción de dos décimes, según los datos de la segunda estimación publicaos pola Oficina Federal d'Estadística (Destatis), que confirmen que la locomotora europea llogró evitar la recesión, al contrario que bona parte de los sos socios europeos.

Ello ye que l'institutu estadísticu xermanu destacó que'l crecimientu de la economía alemana permitió crear 612.000 empleos ente xineru y marzu sobre'l mesmu periodu del añu anterior, la mayor subida en cuatro años, algamando una cifra d'ocupaos de 41,1 millones de persones.

Les esportaciones volvieron ser el principal factor de crecimientu con una meyora del 1,7% de les ventes al esterior, mientres les importaciones estabilizáronse, lo que traduz l'aportación de la balanza comercial al PIB en nueve décimes.

Coles mesmes, dende una perspectiva doméstica, el consumu de les families esperimentó nel primer trimestre una meyora del +0,4%, mientres que'l gastu del Gobiernu elevóse dos décimes.

D'esta manera, en términos interañales la economía alemana rexistró una espansión del 1,7%, lo qu'implica una aceleración de dos décimes sobre'l datu interañal rexistráu nel cuartu trimestre del 2011.