UVIÉU, 30 d'Abril (EUROPA PRESS)
Estudiantes del IES Dr. Fleming y del IES de Llanera protagonizaron esti martes l'actu institucional de la Selmana de Les Lletres na Xunta Xeneral del Principáu, que yá l'añu pasáu nun se celebró y que n'anteriores ocasiones axuntaba a altos representantes de la vida política, social y cultural de la comunidá pa recitar testos en 'llingua'.
En llugar d'ello, esti añu l'actu consistió nuna llectura nel hemiciclu de la Xunta, na que tomaron parte estudiantes, profesores y dellos diputaos de la Xunta Xeneral. La sesión tuvo presidida pol presidente de la Xunta Xeneral, Pedro Sanjurjo González; la conseyera d'Educación, Cultura y Deporte, Ana González Rodríguez; la directora Xeneral de Política Llingüística, Ana Fueyo Llaneza; un alumnu y una alumna del IES Dr. Fleming; y un alumnu y una alumna del IES de Llanera.
Antes, la comitiva estudiantil realizó una visita guiada al edificiu parlamentariu, asemeyada a les qu'avencen realizar estudiantes de los institutos asturianos, cola salvedá de que nesti casu les correspondientes esplicaciones fueron en 'llingua' asturiana, a cargu del profesor y escritor Xuan Santori.
