UVIÉU, 30 de Marzu (EUROPA PRESS)
La conseyera de Desarrollu Rural y Recursos Naturales, María Jesús Álvarez, anunció esti xueves que'l so departamentu trabaya en meyorar el sistema d'información sobre'l aviespón asiáticu --vespa velutina--, y n'elevar el númberu de "trampeos" pa esaniciar la so presencia nel territoriu asturianu.
Asina lo afirmó esti xueves mientres la so intervención nel Plenu de la Xunta Xeneral del Principáu d'Asturies (XXPA), a preguntes pola diputada de Foru Carmen Fernández sobre si son abondo les midíes aplicaes pa detener la espansión y asentamientu del aviespón.
La conseyera esplicó que'l departamentu que dirixe yá trabaya nesta llinia, pa tamién evitar duplicidades nos avisos, implementar más recursos pa la retirada de los ñeros y valorando establecer unes llinies d'ayuda pa los apicultores afectaos.
Coles mesmes, Álvarez aseguró que Desarrollu Rural trabaya en modificar la estratexa de detección de la especie, con cuenta d'incorporar les conclusiones d'una xunta celebrada en Cantabria na que participaron toles comunidaes afectaes.
Pela so parte, la diputada de Foru reprochó a la conseyera que nun tomara midíes yá nel 2014, cuando empezaron a observase los primeros casos, y llamentó que l'aviespón asiáticu tornara "n'unu de los grandes problemes" de l'apicultura n'Asturies.
