Aviso: Esta noticia tiene más de un año. Última actualización: 18/11/2009 17:35
Músicos y cantantes como Anabel Santiago, Chus Pedro (Nuberu), Toli Morilla o Xune (Dixebra), grupos de teatru como Quiquilimón, Kumen o Higiénico Papel, monologuistes como Milio'l del Nidu, o escritores como Vicente García Olvia y Iris Díaz Trancho, ofrecerán actuaciones, talleres y charres a los estudiantes de primaria y secundaria de tolos centros educativos que lo soliciten.
Formen parte de l'Axenda Didáctica del Principáu, pal cursu escolar 2009-2010, que presentó güei en rueda prensa la directora xeneral de Política Llingüística, Consuelo Vega y el director xeneral de Polítiques Educatives, Juan José Sánchez Navarro, acompañaos en primer términu de la cantante Anabel Santiago, y la representante del grupu de teatru Producciones Quiquilimón, Rosa Garnacho.
Trátase d'un conxuntu d'actividaes que la Conseyería de Cultura ofrez a los centros pa fomentar la llingua y la cultura d'Asturies. Los institutos y escueles interesaos puen yá formalizar la solicitú.
En total son 24 actividaes, dividíes en trés disciplines: música, lliteratura y teatru. Les actuaicones musicales serán a cargu de Mestura, Xentiquina Xuacu Amieva (pa primaria), Anabel Santiago, Chus Pedro, Gabino Antuña, Diego Pnagua, Xosé Antón Fernández 'Ambás', Lisardo Prieto, Florentina Cuadriello, Mezá, Toli Morilla y Xune Elipe (secundaria).
Les actividaes lliterarias corresponderán a Chechu García (sobre'l cómic n'asturianu), Iris Díaz Trancho (taller lliteariu infantil y xuvenil) Marisa López Diz y Vicente García Oliva.
A lo último, prepararon representaciones teatrales los grupos: Asturmitomanía, Higiénico Papel, Milio'l del Nido (monologuista), Quiquilimón, Teatru Kumen, Yheppa, Eladio de Pablo y Teatru Margen.
Será'l segundu añu en que s'entamen estes actividaes, que se desarrollen tanto n'asturianu como en fala d'occidente o gallego-asturianu. El pasáu añu tuvieron carácter esperimental y celebráronse en 40 centros de tola comunidá.