UVIÉU, 13 Jul. (EUROPA PRESS) -
La Federación d'Organismos de Radio y Televisión Autonómicos (FORTA) nomó a Antonio Virgili Rodríguez, director xeneral de Radiotelevisión del Principáu d'Asturies (RTPA), como nuevu presidente de la Federación. Virgili Rodríguez tomó posesión de la presidencia de FORTA mientres la xunta que la Xunta Xeneral d'esta Federación celebró ayeri.
Tanto'l nuevu presidente como la Xunta Xeneral alcordaron dar continuidá a les acciones y estratexes que la Federación vien desenvolviendo nel marcu del so Plan d'Acción, pa reforzar la collaboración ente les cadenes que formen parte de FORTA.
Coles mesmes, en llínea colos oxetivos fundacionales de la entidá, siguirá poniéndose en valor la función social y de serviciu públicu que desempeñen les cadenes públiques autonómiques pa promover la diversidá sociocultural, la pluralidá informativa y la contribución a la cohesión social.
