UVIÉU, 21 d'Ochobre (EUROPA PRESS)
Los grupos de la Xunta Xeneral aprobaron esti martes por unanimidá'l pidimientu de comparecencia de José Ángel Fernández Villa, exsecretariu xeneral del SOMA, como representante del parlamentu asturianu nel Conseyu d'Alministración d'Hunosa. La intención ye qu'esplique l'orixe de los 1,4 millones d'euros tapecíos a Facienda polos que la Fiscalía Anticorrupción ta investigándolu.
El pidimientu presentólu'l diputáu d'UPyD, Ignacio Prendes, y apoyólu'l restu de grupos. Toos coincidieron en solicitar que la comparecencia prodúxose nel plazu más cortu posible, a poder ser na próxima Comisión d'Economía, pese a que'l presidente de la sesión d'esti martes, el diputáu Marcelino Marcos (PSOE) matizó que la fecha va decidila la Mesa, teniendo en cuenta esta demanda d'urxencia.
El representante del Grupu Socialista, Jesús Gutiérrez, señaló la importancia de que Villa compareza ante la Xunta antes de que lu destituyan como miembru del Conseyu d'Alministración d'Hunosa, y non dempués. Puntualizólu pa contradicir posibles especulaciones al respecto d'una potencial maniobra de los socialistes pa evitar la comparecencia parlamentaria del exsindicalista.
