MADRID, 3 de Xunetu (EUROPA PRESS)
La xueza de primer Instancia ya Instrucción númberu 6 d'Arganda del Rey acordó'l sobreseimientu provisional de la querella presentada pol PP contra la excandidata d'IU y líder de Convocatoria por Madrid, Tania Sánchez, pol denomináu 'casu Aúpa'.
Asina consta nun autu, al que tuvo accesu Europa Press, nel que la maxistrada zarra'l procedimientu xudicial abiertu tamién contra l'alcalde de Rivas, Pedro del Cura, el padre de Tania, y el so hermanu, Héctor Sánchez.
La querella apoyábase nel fechu de la supuesta comisión per parte d'eses persones de los posibles delitos de prevaricación, tráficu d'influencies y malversación de caudales públicos na axudicación de contratos municipales a la cooperativa Aúpa.
La maxistrada abrió les correspondientes dilixencies previes y citó a declarar, como querellaos, a los interesaos los pasaos 24 y 25 de xunu.
La maxistrada acuerda l'archivu provisional de les actuaciones al nun estimar la existencia de nicios abondo de la comisión de los delitos investigaos y coles mesmes inalmite a trámite l'ampliación de la querella presentada pol Partíu Popular.
