UVIÉU, 23 Feb. (EUROPA PRESS) -
El coordinador xeneral d'IX-, Ramón Argüelles, señaló que les fuercies de la esquierda asturiana --la so formación, PSOE y Podemos--, tán inda a tiempu de llegar a alcuerdos nes lleis de creitos. "Les nuestrees puertes van tar abiertes pa ser el
pegamentu ente la esquierda", indicó.
"Tamos a tiempu inda, nun entremos en campaña electoral. Hai munches coses que pueden facese polos asturianos y asturianes y les nuestres puertes van tar abiertes pa ser el pegamentu ente la esquierda", afirmó Argüelles a entrugues de los periodistes sobre los conflictos internos nel PSOE asturianu.
Nesi sentíu, señaló que si nun pudo llograse l'alcuerdu presupuestaria "a ver si se llogra lo rescatao del naufraxu", en referencia de les lleis de creitu. "Con nós siempre van tener una actitú dialogante, tanto con Podemos como con PSOE", dixo.
Argüelles indicó que si les fuercies d'esquierda nun se ponen d'alcuerdu nun añu "pue suponer un reforciamientu de la derecha nun añu y mediu, espero que eso nun se cumpla". Por eso, el líder d'IX afirmó que dende la so formación van intentar siguir sacando coses nel BOPA, "que ye lo qu'en realidá fai efectu pa los asturianos y asturianes".
