Ástura va falar en febreru de la frontera ente la llingua asturiana y el gallegu

Ria Eo
EUROPA PRESS
Publicado 13/02/2018 19:57:52CET

UVIÉU, 13 Feb. (EUROPA PRESS) -

Esti martes 20 de febreru, a les 19.30 hores, l'Atenéu Obreru de Xixón va acoyer la charla mensual de l'asociación Ástura, que nesta ocasión va dar el profesor de la Universidá d'Uviéu Ramón d'Andrés y onde se va tratar la frontera llingüística ente l'asturianu y ente'l gallegu.

Asina, l'actu va valir pa presentar latles llingüísticu 'ETLEN', que ta acabante de publicase y que ye'l mayor estudiu de conxuntu fechu hasta agora sobre les fales gallego-asturianes de la faza más occidental d'Asturies, ente los ríos Eo y Navia. Ye'l primer atles dedicáu a una zona de frontera llingüística, la que s'atopa ente'l territoriu del gallego-portugués y del asturllionés.

Con 1.088 páxines, inclúi 643 mapes a tou color, que describen con tou detalle les característiques llingüístiques de los 40 llugares encuestaos. Tien la novedá de ser la primer obra del so xéneru qu'inclúi secciones d'estadística llingüística (llamaes "horiométrica" y "dialectométrica"), que conformen un retratu percompletu d'esta zona d'Asturies.