UVIÉU, 16 Oct. (EUROPA PRESS) -
El Principáu d'Asturies contabiliza a les 14.30 hores, 32 quemes forestales en 17 conceyos de la rexón: Ayande (5), Ayer (1), Amieva (1), Balmonte ( 2), Cangas (6), Castropol (2), Degaña (1), Ibias (1), L.lena (1), Mieres (2), Piloña (1), Pravia (1), Quiros (1), Salas (1), Somiedu (1), Teberga (3) y Tinéu (2).
El dispositivu d'estinción, compuestu por 375 efectivos, concéntrase fundamentalmente en siete quemes, la de Fonduveigas (Degaña) y Seroiro (Ibias) pa los que se declaró'l Nivel 2 del INFOPA (Plan de Quemes Forestales del Principáu d'Asturies), Forniel.las y Corondeño n'Ayande, Xichón y L.lamas del Mouro en Cangas, y Berdules en Tinéu.
La fumareda intensa xenerada poles mesmes quemes y les condiciones meteorolóxiques na zona torgaron el vuelu a lo llargo de tola mañana de los medios aéreos y punxeron torgues notablemente'l trabayu del operativu terrestre en conceyos como'l d'Ibias.
Dende les 00.00 hores de güei llunes hasta les 14.00 hores el Centru de Coordinación d'Emerxencies del 112 Asturies atendió un total de 2.669 llamaes. Al operativu terrestre sumóse güei la BRIF de Lubia que trabaya nes xeres d'estinción de la quema de Degaña -.
