Asturies reclama al Gobiernu central la orde ministerial pa la creación del centru 'Stephen Hawking'

La consejera de Servicios Sociales Pilar Varela
EUROPA PRESS
Publicado 13/02/2018 15:49:51CET

UVIÉU, 13 Feb. (EUROPA PRESS) -

La conseyera de Servicios y Derechos Sociales del Gobiernu asturianu, la socialista Pilar Varela, reclamó esti martes al Gobiernu central qu'apruebe al orde ministerial p'activar el centru 'Stephen Hawking' pa pacientes con enfermedaes neurodexeneratives, en Llangréu.

"Tamos yá en febreru y díxose que la orde ministerial diba tar yá aprobada, pero inda nun ta", llamentó Varela, nunes declaraciones a los periodistes con un mensaxe dirixíu al Ministeriu de Sanidá, Servicios Sociales y Igualdá, dirixíu por Dolors Montserrat.

Recordó la dirixente asturiana qu'esi trámite ye necesario pa poner en marcha'l complexu. Esplicó que tanto la so conseyería como la de Sanidá del Principáu concretaron nun documentu, el Plan Sociosanitariu 2018-2021, la so collaboración nel centru.