UVIÉU, 31 de Marzu (EUROPA PRESS)
Un autobús empotróse esti martes contra un semáforu na confluencia de les cais Hermanos Pidal y Avenida de Galicia, n'Uviéu. Según informó'l Conceyu a Europa Press, al xofer daría-y una lipotimia y perdió'l control del vehículu.
L'accidente prodúxose sobre les 8.30 hores d'esta mañana, cuando un autobús del Consorciu de Tresportes d'Asturies facía'l percorríu Uviéu-Riosa. El conductor perdió'l control del vehículu, y foi entós cuando ún de los pasaxeros llegó hasta l'asientu del conductor y foi dirixiendo'l volante, de la que frenaba l'autobús hasta empotralu contra'l semáforu que regula'l tráficu na intersección.
Según les mesmes fontes, nun hubo firíos ente los pasaxeros y el conductor recibió atención nel llugar del accidente, pa dempués treslladalu n'ambulancia.
