Aznar, sobre'l xestu n'Uviéu: "coles persones descaraes, la respuesta tien de ser descarada"

   L'ex presidente del Gobiernu, José María Aznar, asegura que nun s'arrepiente "pa nada" de llevantar el deu corazón a los estudiantes que lu urriaben na Universidá d'Uviéu, según declaró nuna entrevista al diariu italianu 'Il Giornale'.

   Preguntáu al respecto, Aznar declara que non sólo nun s'arrepiente, sinón que la cosa produz-y "risa". "Coles persones descaraes la respuesta tien de ser descarada", añade.

"ACCIÓN SUICIDA" DE ZAPATERO

   A lo llargo de la entrevista, l'ex presidente del Gobiernu acusa a Zapateru de convertir España nun "antroxu" y esconder la so "incapacidá" y "incompetencia" a base de "retórica" y "golpes d'escena".

   Según Aznar, el "error principal" de Zapatero foi "paralizar les reformes económiques que convirtieren a España nel país más dinámicu d'Europa" y dempués, "escondió la cabeza baxo l'arena", negando la crisis.

   Con too, l'acción de Gobiernu de Zapatero foi "suicida", puesto que "elevó los gastos y les deudes", mientres que "agora son los españoles los que tienen que pagar too esto" y "el preciu ye un paru a niveles mui altos".