Barbón sobre les ausencies a la Escuela de Bon Gobiernu: "Lo importante ye que se convidó a tol mundu"

Adrián Barbón en rueda de prensa junto a Luis Tudanca.
EUROPA PRESS
Publicado 13/03/2018 18:08:01CET

UVIÉU, 13 Mar. (EUROPA PRESS) -

El secretariu xeneral de la FSA, Adrián Barbón, refirióse esti martes a l'ausencia a la Escuela de Bon Gobiernu, entamada pola dirección del PSOE y que se va celebrar del xueves 15 de marzu al domingu 18, del presidente del Principáu, Javier Fernández o'l expresidente del Gobiernu Felipe González y aseguró que lo importante nun son les ausencies sinón que lo importante ye que se convidó a tol mundu".

"La premisa ye que se convidara a participar a tol mundu, depués respeto toles decisiones", manifestó Barbón énte les entrugues de los periodistes y depués de recordar qu'él sí va asistir a la Escuela mentada.

Aportunó en qu'él sí va asistir porque considera que ye importante que'l secretariu de los socialistes asturianos tea. "Hai persones que nun van por motivos d'axenda, o por otres cuestiones, ye entendible. El puntu de partida y lo importante ye que se convidó a tol mundu y toi convencíu de que va ser una escuela d'esceición y de calidá grande, yá cunta con 900 inscritos", dixo.