BRUXELES, 25 de Febreru (EUROPA PRESS)
La Comisión Europea propunxo esti miércoles dar a Francia dos años más, hasta'l 2017, pa cumplir coles mires d'amenorgamientu del déficit al 3%, pero a cuenta d'ello pidirá-y un axuste estructural del 0,5% esti añu, según esplicó nuna rueda de prensa'l vicepresidente del Executivu comuñal, Valdis Dombrovskis.
Tocantes a Italia y Bélxica, países a los que Bruxeles tamién señaló en payares como países "en riesgu" de nun cumplir col Pactu d'Estabilidá y Crecimientu (PEC), Dombrovskis dixo que "nun ye'l momentu" d'abrir un espediente sancionador, pero que van siguir vixilantes.
El comisariu d'Asuntos Económicos, el francés Pierre Moscovici, defendió la decisión de dar más tiempu a Francia. "Damos dos años porque hai que ser realistes coles esixencies y severos na evaluación del so respetu", indicó na rueda prensa anunciada por sorpresa pa dar a conocer el resultáu del exame a les economíes europees.
La evaluación completa de los proyectos de presupuestos del 2015 de Francia, Italia y Bélxica retrasóse retardada per trés meses el pasáu mes de payares a la espera de los datos últimos del 2014 y pa dar a los trés países tiempu p'aprobar reformes estructurales.
