UVIÉU, 4 Nov. (EUROPA PRESS) -
El Conceyu de Cangues d'Onís convoca'l XX Concursu de Cuentos Berta Piñán. Trátase d'un concursu en castellanu y asturianu dotáu con 500 euros y nel que puen participar muyeres mayores de 18 años.
Según informó'l Conceyu de Cangues d'Onís al traviés de nota de prensa, esti ye un concursu yá consolidáu, "como lo muestra'l fechu de cumplir la so ventiava edición, nel que puen participar toles muyeres mayores de 18 años, con esceición de les ganadores n'ediciones anteriores".
El plazu de presentación de les obres va ser dende'l día 2 de payares al 5 d'avientu de 2017. Les obres presentaes van dirixise, en sobre zarráu y con referencia 'Concursu Berta Piñán', a la siguiente dirección: Casa de Cultura de Cangues d'Onís. Cai La Cárcel, 13. 33550 Cangues d'Onís.
Les obres, que nun tendrán que ser premiaes con anterioridá en nengún otru concursu nacional o internacional, van presentase en llingua castellana o asturiana y van ser orixinales y inédites. El tema de les obres ye llibre. Cada concursante namás va poder presentar una obra y nun va poder haber sobre ella nengún compromisu anterior de publicación.
La dotación económica del Premiu va ser de 500 euros. El fallu del xuráu, que va ser inapellable y va dase a conocer enantes de rematar l'añu 2017.
