La Caravana de los Derechos Fundamentales llega a Uviéu pa concenciar a la ciudadanía sobre los derechos fundamentales

El colexu d'Abogaos reclama la collaboracion de les instituciones públiques na defensa d'estos derechos

UVIÉU, 16 de Xunu (EUROPA PRESS)

La Caravana de los Derechos Humanos, organizada pol Colexu d'Abogaos d'Uviéu y el Conseyu Xeneral de l'Abogacía Española, entamó güei na capital del Principáu col oxetivu de concienciar a la ciudadanía sobre estos derechos fundamentales.

Demientres la inauguración, el decanu del Colexu d'Abogaos d'Uviéu, Enrique Valdés Joglar, señaló que "a veces" existe la creencia de que los abogaos sólo valen pa defender a los violadores de los derechos humanos.

"Pero tamién defendemos a les víctimes d'estes violaciones", destacó, al tiempu qu'afirmó que cada despachu d'abogaos tien de ser una oficina de defensa de los derechos humanos.

Valdés Joglar tamién reclamó la collaboración de les isntituciones públiques como Ayuntamientos y Comunidaes Autónomes na defensa de los derechos fundamentales. "La defensa de los Derechos Humanos nun ye una carga que sólo deban soportar los abogaos", declaró.

Pela so parte, el conseyeru d'Educación y Ciencia del Principáu d'Asturies, José Luis Iglesias Riopedre, señaló la importancia de tresmitir a los más pequeños la necesidá de defender de los derechos fundamentales.

"Los Derechos Humanos son consustanciales a la educación, d'ehí la importancia de que los profesores enseñen a los neños la importancia d'estos derechos", afirmó'l conseyeru.

La presidenta de la Xunta Xeneral del Principáu, María Jesús Álvarez, manifestó que la defensa de los Derechos Humanos "afeuta a tol mundu". "Espero que'l pasu de la caravana contribuya a que toos tomemos conciencia", señaló.

L'actu d'inauguración tamién contó cola presencia del direutor de Rellaciones Institucionales de Caxastur, César Menéndez, el conceyal del Conceyu d'Uviéu, Iván de Santiago, y Ignacio Cuesta, del Colexu d'Abogaos d'Uviéu.

Tres el so pasu per Uviéu, la caravana va treslladase, el próximu fin de selmana, a la ciudá gallega d'Ourense.