UVIÉU, 17 d'Abril (EUROPA PRESS)
El coordinador xeneral d'IU, Cayo Lara, aprecia "falta de coherencia" nel líder de Podemos, Pablo Iglesias, por participar nel "besamanes" del rei Felipe VI del pasáu día 15 nel Parlamentu Européu.
A preguntes de los periodistes nuna rueda prensa n'Uviéu, Cayo Lara dixo qu'esi problema de coherencies plantégase n'opciones polítiques que presenten "ambigüedá" pa intentar contentar a tol mundu. "Pero les hemeroteques tán ehí", dixo.
Pa Lara, amás, foi una "prevocación" per parte de la Casa Real que Felipe VI fuera a esi actu al Parlamentu Européu coincidiendo col aniversariu de la Segunda República Española. "Foi una ofensa", manifestó Lara, que recordó que los europarlamentarios d'IU nun s'emprestaron a participar nesi actu por principios.
Según el coordinador d'IU, mientres n'España exista'l derechu de sangre como criteriu pa determinar el so xefe d'estáu nun podrá falase d'una democracia seria. "Nós el día 14 tuvimos na cai celebrando'l día de la República y otros tuvieron a otres coses; que lo espliquen", atayó.
