CC.OO alerta del "fuerte" aumentu del paru ente la población inmigrante d'Asturies nel 2009, que subió un 73%

La subida del desemplegu afecta a los varones pero non a les muyeres, principalmente emplegaes nel serviciu domésticu

UVIÉU, 09 de Febreru (EUROPA PRESS)

El sindicatu Comisiones Obreres alertó güe del "fuerte" aumentu del paru ente la población inmigrante n'Asturies, que nel añu 2009 foi d'un 73%, más del doble de la media na población autóctona, cifrada nun 73%. La media de paraos foi de 4.561 inmigrantes, 1.900 más que la media del 2008. Sicasí, esti incrementu sólo afectó a la población estranxera masculina, dao que la femenina aumentó'l númberu d'afiliaes a la seguridá social.

Los datos ofreciéronlos güei en rueda prensa Ignacio Quitana, secretariu de política social de CC.OO Asturies, y Juan José Palacios, responsables de Migraciones, los que presentaron la memoria del Centru d'Información pa Trabayadores Emigrantes del sindicatu, qu'inclúi la informaciones sobre'l mercáu llaboral.

Nel 2009, contabilizáronse 4.561 persones inmigrantes en paru. Los datos demuestren un fuerte aumentu del paru, con un crecimientu del 73%, ascensu que duplica l'observáu ente la población autóctona.

La mayoría de desemplegaos son varones, al contrario que na población autóctona, onde'l paru afecta en mayor midida a les muyeres. Nel casu de la población femenina l'emplegu medra, cosa contraria a lo que pasa na población autóctona. Ente les inmigrantes, continuó creándose emplegu a lo llargo del 2009, creciendo la cifra de trabayadores n'alta na seguridá social en 350 persones.

A fecha 1 de xineru del 2009, había 47.119 inmigrantes empadronaos, y el númberu de documentos yera de 38.221, polo que s'estima que les persones en situación irregular ye de 8.000. "Son persones que trabayen na economía irregular", esplicó Quintana. Nel 2009 hubo una media de 15.801 persones inmigrantes ocupaos y n'alta na seguridá social.

Quintana esplicó la mayor afeición del paru ente los inmigrantes señalando que "los estranxeros vienen a facer los trabayos que la xente autóctona nun quier, nos sectores más pensosos, peor pagaos y más débiles del mercáu llaboral", polo que son los que más afectaos se ven pola destrucción d'emplegu.

Nel casu de les muyeres, Palacios esplicó que mayoritariamente "van directes a trabayar nel serviciu domésticu, onde nun tienen competencies coles autóctones".