Cinco asociaciones soliciten al Conceyu de Siero l'usu del asturianu na imaxe institucional

Ayuntamiento de Siero
AYUNTAMIENTO DE SIERO
Publicado: miércoles, 17 enero 2018 18:22

UVIÉU, 17 Ene. (EUROPA PRESS) -

Cinco asociaciones solicitaron al Gobiernu local l'usu de la denominación tradicional 'Conceyu Siero' na so imaxe institucional. Trátase d'un comunicáu firmáu poles dos principales asociaciones de defensa del asturianu --Xunta pola Defensa de la Llingua y Iniciativa pol Asturianu-- xunto coles entidaes culturales locales El Cencerru, El Ventolín y El Llavaderu.

Les asociaciones firmantes recuerden que la denominación 'conceyos', que ye común tamién en Galicia, ye un exemplu de les característiques "orográfiques, históriques y sociales d'Asturies", pero que mentes na comunidá vecina tien un usu xeneralizáu, "n'Asturies suelen usase de manera institucional denominaciones que son ayenes o nun son fieles a l'usu tradicional popular".

Por eso, afirmen que'l términu 'conceyu' tien tovía una "vitalidá grande" pa referise al territoriu de Siero y que, el Conceyu, la institución que representa a los habitantes d'esi territoriu "habría defender esa tradición, recoyela y usala de manera pública".

Asina, indiquen que la renovación del diseñu de la imaxe institucional ye una "oportunidá histórica" pa que'l logotipu y les distintes marques usaes pola institución pasen a recoyer esta formar al "ser el primer contactu visual que tien la ciudadanía con ella". Amás, afirmen que Siero destaca pol so compromisu na defensa de la llingua asturiana, "como demuestra, ente otres coses, que lleve en marcha dende bien d'años un Serviciu de Normalización Llingüística".

Polo tanto, les asociaciones firmantes soliciten l'usu na imaxe institucional de Siero de la denominación tradicional 'Conceyu Siero', cola inclusión de la llingua asturiana xunto cola castellana nel diseñu d'esa imaxe institucional, "en condiciones equiparables en cuantes a tamaños y tipografíes".

Asturianu ofrecido por