UVIÉU, 27 de Febreru (EUROPA PRESS)
Un grupu d'amigos de Rafa Muñoz, el madrilanu residente en Xixón arrestáu esti vienres, xunto con otres siete persones, por supuestamente tomar parte na guerra d'Ucrania en favor de los indepentistes prorrusos, espresaron la so confianza en que lu lliberen nes próximes hores.
Antonio Giganto esplicó en declaraciones a Europa Press qu'un grupu de compañeros de Muñoz espera nestos momentos frente a les dependencies de la Comisaría de la Policía Nacional de Xixón pola so liberación, onde al paecer permanez reteníu dende'l so arrestu esta madrugada. Afirmen tener delles informaciones "contradictories", y dalguna d'elles fala de que va quedar en llibertá nes próximes hores.
Al respective de los fechos que s'imputen al deteníu, Giganto reconoció que se trata de "acusaciones bien graves" y remitióse al propiu 'Rafa', pa que dea les correspondientes esplicaciones a los medios de comunicación cuando quede en llibertá.
Muñoz ta nestos momentos residiendo en Xixón, onde tien un puestu de trabayu. Ye llicenciáu como graduáu social. "Conocémoslu dende fai munchos años, ye una gran persona y equí lleva una vida dafechu normal", declaró Giganto.
