La Comisión Directiva de Foru Asturies apoya'l criteriu de Leal y Fernández, en contra del de Coto

Carmen Fernández y Pedro Leal
EUROPA PRESS
Publicado 14/06/2018 9:47:14CET

UVIÉU, 14 Jun. (EUROPA PRESS) -

La xunta estraordinaria de la Comisión Directiva de Foru Asturies apoyó esti miércoles, con 21 votos a favor y ún en contra'l criteriu de los diputaos Pedro Leal y Carmen Fernández, en contra de cambiar les condiciones retributives d'una trabayadora de la Xunta Xeneral, dalgo impulsáu pola portavoz parllamentaria y presidenta del partíu, Cristina Coto.

Na Comisión d'esti miércoles nun tuvo presente Cristina Coto. Foron Leal y Fernández los que comparecieron darréu nuna rueda de prensa pa esplicar qu'agora van comunicar a los afectaos, incluyida Coto, la decisión de la Comisión Directiva, pa que se cumpla y la estructura de personal vuelva tar como taba.

Tanto Fernández como Leal refiriéronse a esti asuntu como un tema "doméstica" y criticaron a los que busquen falar de "teoríes conspiranoides" pa entemecelo col procesu de primaries del partíu.

Negaron que la decisión de la Comisión sía una desautorización a Coto y rebaxaron l'asuntu a "una diferencia de criteriu" nun asuntu puntual, sobre'l que resolvió "l'órganu competente".

Contador