UVIÉU, 24 de Mayu (EUROPA PRESS)
La reforma del impuestu de Socesiones y Donaciones recibió esti miércoles les crítiques de toos y caún de los comparecientes llamaos a intervenir na comisión parlamentaria d'Economía. Dicha reforma nun paez prestar nin a los que defenden l'impuestu nin a los qu'apuesten abogen pola so abolición, anque por razones bien distintes. Los que lo defenden coindicieron en criticar que tal paez que'l cambiu ta fechu 'ad hoc' de los grandes patrimonios.
Na Cámara escucháronse les opiniones de representantes de sindicatos, espertos fiscales, economistes y tamién de la plataforma que defende'l fin del tributu.
L'economista y profesor universitariu, Pedro Alameda Abejón, defendió que'l de socesiones ye un tributu qu'en términos recaudatorios nun ye despreciable, dao que ye una pieza más pa llograr l'equilibriu de les cuentes.
Asina manifestó qu'una hipotética supresión total del tributu supondría recortes equivalentes a la supresión de les ayudes de la Conseyería de Bienestar n'ayudes a la Dependencia, Salariu Social, víctimes de violencia de xéneru y persones con especiales necesidaes.
Nesti sen el profesor universitariu llamentó que'l cambiu paez diseñáu pa colectivos específicos con grandes patrimonios. Pero sicasí indicó lo más grave d'esti proyectu de llei ye l'ausencia de midíes que supongan un auténticu estímulu pa la economía de la rexón, motivos polos qu'animó al Gobiernu a que reflexone recapacite sobre dichu cambiu.
El tamién economista Miguel González aseguró que tamos falando de "unu de los impuestos más xustos qu'existen", porque les herencies son un de los principales factores de desigualdá. D'ehí que criticara que la reforma promovida pol Gobiernu tres l'acuerdu col PP "tea dirixida a facilitar el pagu del impuestu a los que yá lo teníen fácil".
Otru de los comparecientes foi l'espertu fiscal, Fernando De Dios Moreno, que tamién consideró esta reforma una "nueva oportunidá perdida" pa llograr la reforma que precisa la fiscalidá asturiana. "Tamos ante una reforma que ye un traxe a midida a les necesidaes de les grandes fortunes", dixo De Dios.
El compareciente indicó qu'Asturies requier una amplia reforma fiscal que vaya dirixida a consiguir unos impuestos más progresivos pa llograr el verdaderu oxetivu que nun ye otru que la redistribución de la riqueza pa tener tamién unos meyores servicios públicos.
Asina, al so xuiciu tamos ante una reforma azotada, parchiada, fecha 'ad hoc' "pa los grandes patrimonios" cola que se crea la idea de que los impuestos son negativos en cuenta de tresmitir que son "un bien común en beneficiu de la economía".
Gilberto García comopareció en representación del sindicatu CCOO pa defender la esistencia del impuestu de socesiones, un tributu directu y progresivu que graba la riqueza sin ganala col esfuerzu y el méritu propiu y "contribúi a favorecer la igualdá d'oportunidaes y nun perpetuar la riqueza nes mesmes persones".
García destacó que van ser pocos los herederos, namás el 1% de los directos, los que van pagar l'impuestu y trátase de "persones con patrimonios d'unos 100 millones de les antigües pesetes".
El representante de CCOO tamién llamentó la campaña que los que quieren abolir l'impuestu tán llevando a cabu porque traten de desinformar a les persones desconocedoras de lo que realmente supón esti impuestu.
PLATAFORMA CONTRA L'IMPUESTU
Bien distinta foi la posición del representante de la Plataforma Contra l'Impuestu de Sucesiones, Álvaro López Castro, qu'anque tamién se mostró contrariu al cambiu del impuestu foi por razones distintes. Asina indicó qu'esti cambiu "ye un parche que nun val pa nada" y abogó por bonificaciones del 99% del tributu.
López Castro aseguró que se trata de "un impuestu ideolóxicu, que graba l'aforru na familia y premia l'espilfarru, desfamando l'aforru de les families en toa una vida".
"Ye un impuestu voluntariu, págalo si quiero y sinón non, namás tengo que mrchar a vivir a enfrente. Asina pagámoslo toos igual", dixo López Castro, qu'añadió que l'estáu del bienestar nun se tien por qué ver afectáu igual que nun se ve afectaes n'otres comunidaes como Madrid.
Recordó que la plataforma recoyí firmes que representen al 17,7% de los asturianos, una cifra que supondría casi mayoría na Cámara, y preguntó a los representantes políticos que si creen que toos esos asturianos tán equivocaos eso supón que "o nun escuchen a la ciudadanía o nun los representen".
Aseguró que nun ta na plataforma por una causa personal. "Yo nin pagué impuestu de socesiones nin los mios fíos van pagalo. Aquel que quiera saltase la llei, gracies a Dios, asesorándose un pocu pue facelo", insistió López Castro.
A preguntes d'IU, Álvaro López esclaró que si piden la supresión total del impuestu, anque reconoció que ye l'Estáu quien tien potestá p'abolilu. Sicasí indicó que n'Asturies se podría establecer una bonificación del 99%.
