UVIÉU, 06 d'Ochobre (EUROPA PRESS)
La Conceyalía de Cultura del Ayuntamientu de Mieres, que preside Diana González, informó güei de la convocatoria del XIX Premiu Teodoro Cuesta de Poesía, un prestixosu certame, con un palmarés nel que figuren dalgunos de los más destacaos nomes de la lliteratura n'asturianu.
El certame ta dirixíu a cualquier persona que presente un poemariu orixinal y inéditu en llingua asturiana. Resérvase un únicu premiu de 4.000 euros, contemplándose la posibilidá de que'l mesmu quede desiertu si asina lo decide'l xuráu.
Los poemarios deberán entregase enantes del 9 de payares del 2009, cuando se conmemoren los 179 años del nacimientu de Teodoro Cuesta. Los trabayaos deben unviase a la direición de la Casa de la Cultura Teodoro Cuesta de Mieres del Camín. Les bases del concursu puen consultase na páxina web www.ayto-mieres.es/cultura.
Ente los ganadores del certamen, figuren nomes como Berta Piñán, Xuan Bello, Xaviero Cayarga, Vanesa Gutiérrez, o'l ganador de la última edición, l'avilesín Xelu Gutiérrez Morán, qu'algamó'l premiu de la última edición.