UVIÉU, 20 Ago. (EUROPA PRESS) -
El serviciu de Caltenimientu del Conceyu d'Uviéu abrió yá'l correspondiente espediente depués del esbarrumbe esta fin de selmana del techu de la ilesia de Santa María de Loriana.
Según confirmaron a Europa Press fontes municipales tanto la Policía Local como'l Serviciu de Bomberos d'Uviéu ufrieron nel consistoriu los respectivos partes d'actuación na redolada del templu, onde agordonaron la zona.
La ilesia ta al llau de la ruta del Camín de Santiago. Agora un apareyador municipal va encargase de realizar l'informe de desperfectos y de midíes a tomar pal arreglu. El trabayu va ser unviáu al Conseyu de Patrimoniu Cultural, dependiente del Principáu d'Asturies.
El procesu va completar con un dictame que preceptivamente ha d'emitir el mentáu Conseyu. A partir d'ehí, con esos dos informes, el Conceyu va esixir a la propiedá de la ilesia, nesti casu l'Arzobispáu, l'arreglu de los daños.
