La conseyería d'Educación y Cultura presenta n'A Caridá l'octavu númberu de la revista 'Trabatel'

Contador
Ria Eo
EUROPA PRESS
Publicado 12/01/2018 9:25:00CET

UVIÉU, 12 Ene. (EUROPA PRESS) -

El director xeneral de Planificación Llingüística y Normalización, Fernando Padilla, presenta esti vienres l'octavu númberu de 'Trabatel, revista eonaviega de lliteratura', na sala El Pajar del complexu cultural As Quintas d'A Caridá, n'El Franco.

Esta publicación anual y de baldre, que ta editada pola Conseyería d'Educación y Cultura, nació en 2008 pa ufiertar un espaciu pa dar a conocer la creación lliteraria actual en gallego-asturianu, según indica'l Principáu nuna nota de prensa trillingüe.

Esta entrega nueva ufierta collaboraciones lliteraries inédites de Benxamín Méndez, Ana Vega, Félix Ferreiro, Lucía Iglesias, Aurora Bermúdez Nava, Andrea González y María Teresa López.

Inclúi amás una traducción al gallego-asturianu d'un cuentu de la escritora norteamericana Kate Chopin y reseñes de dellos llibros publicaos nesa llingua dende l'últimu númberu. La revista ta ilustrada, como en casos anteriores, por un fotógrafu del occidente, nesti casu, el veigueño Alberto Fernández de la Torre.

Como complementu a la presentación va celebrase un recital poéticu nel que dellos de los autores que collaboren nesti númberu, van lleer los sos poemes, acompañaos pola música del grupu Toyemerendas, que va ufiertar una pequena actuación a la fin del actu. El públicu asistente va recibir como obsequiu un exemplar de la revista, que tamién va unviase a los centros educativos y biblioteques de la zona occidental.

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies