UVIÉU, 24 Abr. (EUROPA PRESS) -
El conseyeru d'Educación, Genaro Alonso, cifró nel 4,5 por cientu el siguimientu de la fuelga convocada polos profesores interinos n'Asturies. En total, a les 10.00 hores d'esti martes había 173 interinos en fuelga, una "escasa repercusión" según la Conseyería.
Alonso recordó que'l so departamentu "nun entiende bien" les razones de la fuelga, al haber, al so xuiciu, una "contradicción palmaria". Per un sitiu, criticó nuna visita al IES de L'Infiestu, piden baxar la interinidá hasta'l 8 por cientu, y por otra "nun quieren" la oposición, entá sabiendo que tienen una "alta ventaya" sobre los que nun tienen esperiencia llaboral reconocida.
Refugó coles mesmes l'argumentu "desproporcionáu" de los interinos al falar de "ERE". "Nun despidimos a naide, convertimos interinos en personal estable", señaló.
