UVIÉU, 18 Abr. (EUROPA PRESS) -
La Federación Socialista Asturiana, al traviés de la secretaria d'educación, universidá y normalización llingüística, María Luz Pontón, convocó'l primer concursu de mircrorrellatos en Twitter 'Selmana de les Lletres na FSA-PSOE'. El concursu tien como oxetivu llanzar un mensaxe al traviés de les redes sociales por mor de la celebración del XXXIX Día de les Lletres Asturianes.
El plazu del concursu, que s'abre esti miércoles, va rematar el 28 d'abril próximu, según informó la FSA en nota de prensa. Les persones que quieran concursar van poder escoyer llibremente la tema del microrrellatu anque, eso sí, tendrán de llindase a la estensión de 280 calteres permitíos en Twitter, incluíu'l hastag #SelmanaLletresFSA.
Con un máximu de dos participaciones por persona, el microrrellatu tien qu'etiquetase y tuitease con #SelmanaLletresFSA y l'autor tien que siguir la cuenta de Twitter de la FSA-PSOE. El xuráu que va examinar los microrrellatos y va decidir los concursantes ganadores, que van recibir un llote de llibros n'asturianu na Biblioteca El Fontán el próximu 2 de mayu, ta formáu por Esther Prieto, poeta y editora; Inaciu Galán, escritor y periodista; María Luz Pontón, secretaria d'educación, universidá y normalización llingüística de la FSA-PSOE, y Miguel Barrero, secretariu de cultura de la FSA-PSOE.
