UVIÉU, 8 de Febreru (EUROPA PRESS)
La revista lliteraria The Barcelona Review publicó nel so últimu númberu'l cuentu 'La radio interior', perteneciente a 'Entierros de xente famoso' (Ediciones Suburbia, 2008), de Xandru Fernández.
Al autor contactáronlu va unos meses los editores de la revista, interesaos en dar presencia a la lliteratura en llingües peninsulares. Asina, decidieron incluyir esta obra de Fernández nel so númberu 87.
El cuentu, escritu de primeres n'asturianu, tornólu'l mesmu autor espresamente pa esta publicación, qu'axunta dambes versiones, en castellán y en 'llingua'.
"Nel nuesu oxetivu por visibilizar a los grandes autores de les otres llingües peninsulares d'España, ye un arguyu presentar 'La radio interior', de Xandru Fernández, unu de los nomes destacaos de les lletres asturianes y traductor ente otros de Kafka y Dürrenmatt", señala la revista.
The Barcelona Review ye una revista internacional de narrativa corta contemporánea qu'ufierta en cada númberu una selección de relatos, ensayu y poesía. Tien tres versiones, n'inglés, en castellán y en catalán.
