El Defensor del Paciente recibe más de mediu millar de denuncies de muerte por neglixencia mélica nel 2008

Traumatoloxía, xinecoloxía y obstentricia, urxencies y ciruxía xeneral, los servicios con más quexes

MADRID, 29 d'Avientu (OTR/PRESS)

L'Asociación El Defensor del Paciente rexistró nesti añu 2008 casi 12.300 casos de supuestes neglixencies méliques, de les cuales más de mediu millar incluyeron la muerte del paciente. Anque se produxo un descensu en dambos parámetros, los responsables d'esta organización sorrayen que nun foi por una meyora na sanidá española. Traumatoloxía, xinecoloxía y obstentricia, urxencies y ciruxía xeneral son los servicios con más quexes.

D'acuerdu cola memoria añal presentada güei por esta entidá, Defensor del Paciente recibió un total de 12.276 casos de supuestes neglixencies méliques, lo que supón un descensu de 346 casos sobre'l 2007. Lo más negativo de too ye que 508 d'esos casos de supuesta neglixencia mélica acabaron con resultáu de muerte. Estos casos pel momentu hai que consideralos como supuestos hasta que los Tribunales se pronuncien, alvierte la presidenta de Defensor del Paciente, Carmen Flores.

Al so xuiciu, ye cierto que na memoria el númberu de neglixencies y reclamaciones mélicos-sanitaries baxó sobre l'añu anterior pero eso nun significa que la sanidá española esperimentare un cambiu a meyor. Por muncho que'l Ministeriu de Sanidá y los Conseyeros de Salú quieran vender fumu tenemos una sanidá mediocre, declaró Flores. Al so xuiciu, la xestión del ministru Soria supunxo una "decepción" pa los pacientes, y la visión que tien el ministru y los conseyeros de sanidá sobre l'estáu de la mesma, ye mui diferente a la vision que tien el paciente.