UVIÉU, 20 Jun. (EUROPA PRESS) -
La Delegada del Gobiernu n'Asturies nueva, la socialista Delia Losa, mostróse esti miércoles confiada en que la transición enerxética que va traer el zarru de centrales térmiques de carbón sía "lo menos traumática posible" p'Asturies.
Losa atendió a los medios nel actu del Día Mundial de les Persones Refuxaes, afirmando qu'asumió'l cargu "con muncha ilusión" y "muncho enfotu en que les midíes que se vaigan a adoptar van tomales persones que son miembros d'un gobiernu que tienen una sensibilidá especial con Asturies".
Les midíes que se tomen en relación a la transición ecolóxica, dixo, "seguro que se van facer con una intelixencia total y un respetu a la ciudadanía asturiana, buscando midíes que sirvan pa facer una sustitución y un tránsitu lo menos traumático posible".
"Agora toi empezando y tengo esperanza, vamos aportunar en que la transición, si hai que facela, que sía en beneficiu d'Asturies y non en perxuiciu", sorrayó.
