MADRID, 6 d'Ochobre (EUROPA PRESS)
Les autoridaes franceses detuvieron esti martes en Francia a Egoitz Urrutikoetxea, fíu del históricu etarra José Antonio Urrutikoetxea, de nomatu 'Josu Ternera', informaron a Europa Press fontes de la llucha antiterrorista.
Egoitz Urrutikoetxea Laskibar tien pendiente una condena de cuatro años nel país galu, onde lu condenaron en rebeldía por un delitu d'asociación de malfechores, según los datos recoyíos por Europa Press.
La xusticia francesa condenólu por asociación de malfechores con fines terroristes. La sentencia pronuncióse'l 17 de xunetu del 2007 na sala 16 del Tribunal Correccional de París, que confirmó la orde de busca y captura emitida contra él, el 1 de marzu d'esi mesmu añu.
La operación na que resultó deteníu Egoitz Urrutikoextxea foi obra de la Policía francesa con información de la Policía Nacional española y continúa abierta, según les fontes de la llucha antiterrorista consultaes por Europa Press.
