Detienen a 21 narcotraficantes nún de los operativos más grandes dende 1999

BOGOTÁ, 8 de Febreru (EUROPA PRESS)

La Policía Nacional de Colombia detuvo esti llunes a 21 supuestos narcotraficantes que pudieren tener vínculos colos cárteles mexicanos, nún de los operativos más grandes que realizó esti organismu de los últimos diez años y que bautizaron como la Operación Fronteres.

Les detenciones realizáronse n'ocho ciudades colombianes ente elles Bogotá, onde la Policía detuvo a un total de siete supuestos traficantes de droga. A tolos deteníos ta reclamándolos la xusticia d'Estaos Uníos.

Ente los deteníos figuren doce pilotos y una muyer que, al paecer, yera l'enllaz ente los grupos de narcotraficantes colombianos y el xefe del cártel mexicanu de Sinaloa, Joaquín 'el Chapo' Guzmán, ún de los homes más buscaos del mundu.

El director de la Policía Nacional, xeneral Óscar Naranjo, dixo a la emisora llocal W Radio, que la operación Fronteras foi l'operativu más grande contra'l narcotráficu que s'executvó en Colombia dende l'añu 1999.

La Operación Fronteras, que duró dos años, realizóse en conxuntu cola Axencia Antidrogues d'Estaos Uníos (DEA). "Ye una de les más importantes porque ye un golpe estructural al narcotráficu en cuanto llogramos penetrar les cuatro organizaciones mafioses que paecíen monopolizar el tráficu de cocaína en Colombia", dixo Naranjo.

Les entidaes de los narcotraficantes revelaránse más alantre, pero Naranjo adelantó qu'ente les organizaciones que llograron esmantelar figuren la del 'Loco Barrera', de los 'Heramnos Comba', 'Los Mellizos' y 'Los hermanos Calle Serna', ente otres.

CONTACTOS EN POLO MENOS DIEZ PAÍSES DE LA REXÓN

Naranjo aseguró que con esti operativu quedó n'evidencia "el nivel de contactos en polo menos diez países del continente pa producir el tráficu de drogues y una operación financiera qu'implique un llaváu d'activos a gran escala".

Tan sólo ún de los supuestos traficantes deteníos yera propietariu de cinco aviones privaos, que les fuerces de seguridá llograron "inmovilizar" nos últimos díes. La pasada selmana aplicó'l mesmu procedimientu a otres 25 aeronaves.

La xusticia colombiana entamará nos próximos díes los contactos con Estaos Uníos pa entamar los trámites d'estradición de los narcotraficantes que deberán responder por delitos como tráficu illegal d'estupefacientes y estorsión, ente otros.