UVIÉU, 25 d'Ochobre (EUROPA PRESS)
La conceyala socialista del Conceyu de Llaviana, Ana Fernández Pérez, presentó esti martes la so dimisión irrevocable al cargu de conceyala de resultes del acuerdu adoptáu'l pasáu domingu 23 d'ochobre pol Comité Federal del PSOE d'astenese na investidura d'un Gobiernu del PP presidíu por Mariano Rajoy..
Envió una carta al alcalde de Llaviana, Adrián Barbón, na que califica la decisión de la dirección del PSOE como "una falta de respetu hacia la militancia socialista, lo mesmo a nivel rexonal como nacional, con tolo asocedío nos Comités Federales del PSOE celebraos los pasaos 1 y 23 d'ochobre, ónde primaron los intereses d'una minoría".
De la mesma manera, afirma na mesma carta que: "entiendo que pa facer bona política, amás de tar al serviciu de la ciudadanía, nun pue faltar ilusión y tampoco pue perdese la coherencia y los valores".
Ana Fernández Pérez agradeció asina mesmo la coherencia del Alcalde de Llaviana, Adrián Barbón, que defendió y votó non a la investidura de Mariano Rajoy nel Comité Federal, treslladando asina'l sentir de la militancia.
A lo último, la yá exconceyala anunció que va siguir militando nel PSOE col envís de participar nel congresu del partíu y contribuyir asina al cambiu del mesmu.
