XIXÓN/UVIÉU, 17 Jul. (EUROPA PRESS) -
La conceyala de Xixón Sí Puede Verónica Rodríguez presentó esti martes la so dimisión como conceyala por desavenencies "continues y fondes" col Grupu Municipal al qu'hasta agora pertenecía. La postrera d'estes "desavenencies" foi la qu'arrodió a la moción de censura que quier sacase alantre contra'l gobiernu de Foru Asturies.
La conceyala unvió un comunicáu nel que llamenta que les respuestes que se tán dando "prioricen cuestiones partidaries y partidistes a les necesidaes de la mayoría social d'esta ciudá". Nesti comunicáu afirmó que'l proyectu de Xixón Sí Puede foi "fallíu".
"La nueva política nun vieno pa dar respuestes en clave de lóxiques partidaries sinón en clave popular y nesti momentu avanzar na moción de censura ye una necesidá imperiosa pa la mayoría social de la nuesa ciudá", señaló.
