El director xerente del FMI prevé la recuperación de la economía mundial a últimos del 2009

REUTERS

PARIS, 19 de Payares (EUROPA PRESS)

El director xerente del Fondu Monetariu Internacional (FMI), Dominique Strauss-Kahn, prevé una recuperación de la economía mundial hacia últimos del 2009, alvirtió escontra les tentaciones proteicionistes en materia de comerciu internacional y apostó por usar la política presupuestaria pa reactivar el crecimientu.

"Lo que vemos ye un salida de la crisis hacia últimos del 2009, en fin, una recuperación hacia últimos 2009", espunxo demientres la so intervención ante'l Conseyu Económicu y Social, en París, nel qu'aseguró que tovía existen peligros lligaos al sector financieru y al mercáu interbancariu.

"Nun pienso nun fundimientu de les grandes instituciones como hai unos meses, pero hasta si nun se produz esti fundimientu, la tendencia del mercáu a retirase sobre sí mesmu pue continuar", avisó. Nesti sen, destacó que'l mercáu interbancariu nun volvió ponese en marcha "como yera deseable".

Pa Strauss-Kahn, tovía hai marxe pa una política monetaria más "acomodada" y que la mayoría de los bancos centrales güei entamen a dase cuenta de que los riesgos d'inflación "desaparecieron dafechu" y que neses condiciones hai "poques razones pa nun usar el marxe existente en materia monetaria". En tou casu, avisó de que nun se puen esperar "resultaos formidables".

Otru peligru al qu'aludió'l máximu responsable del FMI ye la "tentación de proteicionismu", sobre too de países con problemes alimentarios onde pequeñes variaciones na producción conlleven grandes variaciones nel mercáu internacional y subíes considerables del preciu. D'ehí qu'apostare por "resistir a esta tentación" y acabar "los más rápido posible" la ronda de Doha.

Strauss-Kahn apelló a continuación a un apoyu presupuestariu del crecimientu ellí onde seya posible y cuando lo permita'l déficit. "Si hubo un momentu onde una respuesta común, coordinada en materia presupuestaria tien sen, ye güei", destacó. Na so opinión, les consecuencies d'una baxada del crecimientu van "ser más graves a mediu plazu" que'l fechu "en sí poco feliz" de tener un poco más de déficit demientres un añu o añu y mediu.

Según los sos cálculos, el 1% del PIB d'apoyu presupuestariu xenera un 1% de crecimientu. D'ehí que, como se necesita un 2% de crecimientu mundial o más, yera bono destinar un 2% d'apoyu presupuestariu ellí onde seya posible. "Nun ye tan cenciello, tien de ser temporal o tar bien enfocáu, pero eso correspuénde a una situación de dificultá de la economía mundial que nun conocimos dende la Segunda Guerra Mundial", calcó.