La Direición de Trabayu autoriza l'ERE a Daorje qu'afeuta a 261 trabayadores hasta'l 30 d'abril

UVIÉU, 29 d'Avientu (EUROPA PRESS)

La Direición Xeneral d'Emplegu del Principáu autorizó güei l'espediente de Regulación d'Emplegu (ERE) presentáu pola empresa Daorje, una de les compañíes auxiliares d'ArcelorMittal.

Según informaron a Europa Press fontes sindicales, l'ERE afeuta a 261 trabayadores de los 700 qu'hai en plantiya, y va tar vixente hasta'l 30 d'abril. De magar ehí los emplegaos van volver a incorporase a los sos puestos de trabayu.

Demientres los meses d'aplicación del ERE los trabayadores van recibir el 90 por cientu del salariu y el 100% de les vacaciones y les pagues extra. Tanto'l Comité d'empresa como los sindicatos ficieren esta ufierta pero la Direición de Trabayu en base a les últimes nómines presentaes pola compañía optó por tomar esa decisión.

Los sindicatos mostraron el so mieu ante la situación xeneral del sector de les auxiliares del metal y calcaron na so preocupación ante les males previsiones pal mes de xineru agraves pola decisión de la empresa siderúrxica de paralizar les bateríes 7 y 8 d'Avilés y el TBC.

Dada esta situación, los sindicatos esperen qu'otres empreses sigan el camín de Daorje y presenten otros ERE. Ente les auxiliares que podíen recurrir a esta vía tán Asturmas, que podía plantegar un espediente pa una ventena de trabayadores, según los sindicatos.