MADRID, 16 de Febreru (EUROPA PRESS)
Los dos montañeros finaos esti xueves nos Alpes franceses son catalanes y unu d'ellos yera Mosso d'Esquadra, esplicaron fontes de la Consellería d'Interior a Europa Press.
Según el sindicatu policial SAP, una de les víctimes, de nome Timoteo H. Q., pertenecía al Àrea Regional de Recursos Operatius (ARRO) na rexón Metropolitana Nord.
El socesu prodúxose sobre'l mediudía, nes faldes del macizu de La Meije y según informaron los servicios de rescate a la prensa llocal, un bloque de xelu que se soltó del tabayón cayó sobre los dos alpinistes.
Los sos cuerpos recuperáronlos los servicios de rescate cola asistencia aérea de la Xendarmería, según el diariu Dauphiné Libéré.
El Consuláu Xeneral d'España en Marsella contactó colos familiares de les víctimes y púnxose a la so disposición p'asistilos nos trámites de repatriación de los cadabres.
El presidente del Gobiernu español, Mariano Rajoy, tresmitió les sos "condolencies a los familiares, amigos y compañeros" de los dos víctimes del accidente al traviés d'un mensaxe na so cuenta oficial de Twitter.
