UVIÉU, 21 Jun. (EUROPA PRESS) -
El conseyeru d'Educación y Cultura, Genaro Alonso, anunció esti xueves que los centros educativos del Principáu van incluyir el cursu próximu numberoses actividaes pa conmemorar los Centenarios de Cuadonga y contribuyir a una "meyor conocencia de la historia, el patrimoniu, la llingua y la cultura rellacioanos a estes efemérides.
El diputáu de Foru Asturies Pedro Leal preguntó nel plenu d'esti xueves si se tán faciendo acciones específiques nos centros educativos p'ameyor la conocencia de la historia relativa a los Centenarios. Leal criticó que la mayoría de les actividaes programaes vaigan a realizase'l cursu próximu y nun se fixeren nel periodu lectivu qu'agora termina.
"Namás con preguntar nuna escuela hai una mínima o nula conocencia de la Reconquista, de don Pelayo, o de la invasión musulmana", criticó.
El conseyeru retrucó a Leal qu'Educación yá cunta con un programa d'actividaes, al "tener claro" qu'ún de los aspectos claros pa planiar les actividaes sobre los Centenarios yera "llograr la implicación de los centros educativos".
Nesti contestu, Alonso esplicó que los centros van recibir información puntual sobre les actividaes pal alumnáu y profesoráu relativu a esposiciones, congresos o conciertos, amás d'acciones específiques en dellos centros.
